هل بنات الناس لعبه و اختك مكتوب عليها ممنوع اللمس ؟؟؟؟؟

مساء الخير عليكم
حبيت اطرح عليكم الموضوع دع لانه عجبنى اوى
من واقع شبابنا العربى على اختلاف الجنسيات بشوف دايما ادامى موقف غريب اوى من اغلب الشباب و تقريبا لما يكون الولد مثلا فى الشارع و يشوف بنت محترمه او مش محترمه المهم ان شيطانه يوسوسله عشان يعاكسها فبكل بساطه يئوم معاكسها و يغلس عليها لحد ما تضطر ترد و تزعقله و ساعتها بيبقى نهارده اسود او انها تسيبله الشارع كله و تمشى او انها ترد عليه و تتكلم معاه و هو ده طبعا هدفه من الاول

و على الصعيد الاخر او بالبلدى من ناحيه تانيه لو حصل نفس الموقف ده مع اخته فى الشارع وولد عاكسها او حاول يضايقها حتى بكلمه يبقى نهاره ازرق و مش طالعله شمس

طيب ماهو المفروض من البدايه اللى ما ارضاهوش على اختى ما ارضاهوش على بنات الناس حتى و لو كانوا بنات الناس دول لابسين لبس ضيق او عاملين اى شىء ملفت ماهم فى النهايه بردو بنات
مش عارفه احنا ليه وصلنا للمرحله دى و ليه الشاب دايما قبل ما بيعاكس مش بيراعى ان عنده فى البيت ام و اخت و خاله و عمه و بنات كتيــــــــــــر اوى يتخاف عليهم من ان حد يدايقهم فى الشارع
احنا بنواجه مشكله بجد كبيره و بتتطرق بينا لمشاكل اكبر و من اهمها طبعا الاغتصاب و اللى لو انتشر فى مجتماعتنا العربيه هنبقى بنحكم على مصير امم و شعوب بالانهيار لانه الشباب هم عماد الامم نعمل ايه بئا احنا لو كل شاب استسهل الموضوع و اغتصبله بنت و اتسجن يبقى هنقول على الدنيا السلام

و البنت اللى بتتعمد تلفت النظر ليها باللبس الضيق و الميك اب الاوفر لو تفتكر انها ممكن تتعرض للموقف ده عمرها ما هتعمل كده
بيتهيئالى يا جماعه انها ازمه ضمير اكثر منها اخلاق لان لو كل واحد حكّم ضميره فى تصرفاته يبقى غلطاتنا هتقل و ربنا هيرضى عننا و يرحمنا من المهازل اللى بتحصل فى حياتنا
و لو اتمسكنا بعروبتنا و تقاليدنا كعرب (مسلمين و مسيحيين ) و بطلنا التقليد الاعمى للغرب فى كل حاجه سواء تنفع لمجتمعاتنا او ما تنفهاش ساعتها ممكن ينصلح حالنا
انا لا ملاك و لا انا واعظه و لا داعيه اسلاميه
انا بس واحده عايشه جوا مجتمع مليــــــــــــــــــــــــــــــان مشاكل و حبيت اعرض على شريحه من المجتمع ده مشكله واحده و يشاركونى فيها الرأى

اسف على الاطاله